Шымкентте балаларын азаптаған әйелді соттады

Шымкентте туған балаларын қатыгездікпен қорлап, аяусыз азаптаған әйел 5 жыл 3 айға сотталды. Бұған дейінгі сот отырыстарында балалары анасының оларды ұрып-соққанын, қыздырылған шанышқы мен үтік басып денелерін күйдіргенін айтқан. Тіпті қақаған қыста өзенге мәжбүрлеп түсіргенін де жасырмаған. Айыпталушы сотта өз кінәсін толық мойындап, балаларынан кешірім сұрады. Қазір балалар мемлекет қамқорлығында.