Қазақстан мен Ресейдің бірлескен жобалары артты

Қазақстан мен Ресейдің арасындағы тауар айналымы 30 миллиард долларға жақындады. Елімізде Ресейдің қатысуымен 22 мыңнан астам кәсіпорын жұмыс істейді. Қазіргі уақытта жалпы құны 4 миллиард доллардан асатын 30-ға жуық бірлескен жоба жүзеге асырылуда. Нәтижесінде 12 мыңнан астам жұмыс орны ашылады. Бұдан бөлек, алдағы уақытта құны шамамен 30 миллиард доллар болатын тағы 30-ға жуық жобаны іске асыру көзделуде.

Жыл сайын алыс-беріс ұлғаюда. Мәселен, Ресейде Қазақстанда шығарылатын тауарларға сұраныс өсуде. Мысалы, Қазақстаннан жеткізілетін шай,  кондитерлік, химиялық өнімдердің саны артты.