9 мың бала «Алпамыс батыр» жырын жатқа айтып жарысты

Қостанайда 9 мың бала «Алпамыс батыр» жырын жатқа айтып, өзара сайысқа түсті.

Облыстық байқауда ұлттық мұраны дәріптеген жас ұрпақ ауыз әдебиетіне деген сүйіспеншіліктің озық үлгісін көрсетті. Жырда жатқа сайраған 9 мыңнан аса баланың 44-і ақтық кезеңге өтті. Рудный қаласынан келген 9-сынып оқушысы Ұлдана Жүсенбай 98 беттік туындыны мүдірмей жырлап, топ жарды. Жеңімпаз шетелдегі халықаралық жазғы мектепке жолдама алды. Ал жетекшісіне темір тұлпардың кілті табысталды.

Ұлдана Жүсенбай, байқау жеңімпазы:

Ішкі сезімді айтып жеткізу мүмкін емес. Байқау қатты қиынға соққан жоқ. Бұл жаттауды, «Алпамыс батыр» жырын 3 айда дұрыс меңгере алдым деп ойлаймын. Бас жүлдені алғаныма өте қатты қуаныштымын.