Президент жануарларға жауапкершілікпен қарау туралы заңға қол қойды

Енді үй жануарларын асырайтындарға жауапкершілік күшейеді. Оларды дұрыс күтіп-баптамағандар мен қатыгездік көрсеткендер қатаң жазаланады. Мемлекет басшысы жануарларға жауапкершілікпен қарау туралы Заңға қол қойды. Құжат күшіне енгеннен кейін үй жануарлары басқа адамдарға және олардың мүлкіне зиян келтірсе, келтірілген шығынды иесі өтеуге міндетті болады. Басты өзгерістің бірі иесіз жануарлар ұсталғаннан кейін оларға қатысты шешім жергілікті атқарушы органдарға жүктеледі. Жануарларды беру немесе сату тек тіркеу болған жағдайда ғана жүзеге асырылады.