Басты Жаңалықтар Талас өзенінің жағасын тазалады

Талас өзенінің жағасын тазалады

20.05.2026 13:18

Таразда «Таза Қазақстан» экологиялық акциясы аясында Талас өзенінің жағасы тазартылды. Облыстық :астар ресурстық орталығының ұжымы мен еріктілер 3 шақырым жаяу жүріп, тұрмыстық қалдықтарды жинады.

Өзен жағасына демалуға әрі көлік жууға келетін тұрғындар айналаның тазалығына атүсті қарайды. Оған дәлел - пластик ыдыстар мен полиэтилен қалдықтарынан көз сүрінеді. Жастар ол жерлерді жинағаннан кейін қаланың шығыс бөлігіндегі автобекет маңын тазартты. Бұдан бөлек тағы бірнеше шағын ауданға бөлінген 100-ге жуық жас 3 тоннаға жуық қоқыс жинады.

Жалпы, жыл басынан бері өңірде «Таза Қазақстан» акциясына 23 мыңға жуық адам қатысып, 5 мың тоннадан астам күл-қоқыс шығарылды.

Ақәділ Ринат, облыстық Жастар ресурстық орталығының бөлім басшысы:

Тазалық - табалдырықтан басталады. Өзінің ауласына немқұрайлы қарайтын азаматтар айналаға да солай қарайды. Бүгін, міне, осында - Талас өзенінің бойында қоқыстарды жинау жұмысын көріп жатырмыз. Адамдардың экологияға жаны ашымайды. Азаматтарды «Таза Қазақстан» экологиялық акциясына үлес қосып, тазалықты өзінен бастауға шақырамыз.

Автор

Данияр Әлімқұл

Бөлісу