«Мөлдір өлең» ұлттық поэзиялық жобасы басталды

Алматыда қазақ поэзиясына жаңа серпін беруді мақсат еткен «Мөлдір өлең» ұлттық поэзиялық жобасының шымылдығы түрілді. Қазақстан Жазушылар одағының қолдауымен алғаш рет ұйымдастырылған рухани додаға еліміздің 20 аймағынан 60 ақын бақ сынайды. 18 аптаға жалғасатын жобаның бас жүлдесі 3 миллион теңге мен арнайы «Мөлдір өлең» статуэткасы. Ұйымдастырушылар бұл бастама арқылы қазақ поэзиясын кеңінен насихаттап, жас ақындарға қолдау көрсетуді көздеп отыр. Алғашқы кезеңде Павлодар мен Қарағанды облыстарының үміткерлері өзара бақ сынасты. Жоба көрерменге ашық форматта ұсынылып, поэзиялық дода тікелей эфирде ресми YouTube арнасы арқылы көрсетілді.
Мөлдір Айтбай, ақын, ҚР Жазушылар одағының мүшесі:

Әр аптаның сәрсенбісі қыркүйектің 16-ына дейін 18 апта бойы жалғасады. 20 командадан бізде 17 облыс, 3 қаладан 60 ақын. Бізде 10 команда қалады. Бес қалады, бестен екі қалады, соңында бір қалады. Сол команда 3 млн ақшалай жүлде және 100 гр алтын 3 карат бриллианттан құйылған статуэтканы иеленеді.