Басты Жаңалықтар Жаңатас қаласында спорт кешені ашылды

Жаңатас қаласында спорт кешені ашылды

21.05.2026 13:27

Жамбыл облысы Жаңатас қаласында Президенттің бұқаралық спортты дамыту тапсырмасы бойынша жаңа спорт кешені ашылды. Құрылысына 600 млн теңгеге жуық қаражат жұмсалған нысанда спорт сүйер жастар үшін барлық жағдай жасалған.

200 адамға шақталған кешен заманауи спорт құралдарымен жабдықталған. Келушілер спорттың 10 түрімен айналыса алады. 1600 шаршы метрден асатын ғимаратта футбол, волейбол, бокс, каратэ, киг-бокс, дзюдо және қазақ күресіне арналған залдар бар. «Дегерес» елді мекенінің тұрғындары бірегей кешен ел ішінен чемпиондардың шығуына серпін береді деп сенеді. Жалпы, Сарысу ауданы бойынша 3 спорт кешені бар десек, соның екеуі Жаңатас қаласында.

Серік Ниязов, грек-рим күресінен КСРО спорт шебері:

Қолжетімділікке байланысты спортпен шұғылдануға көп мүмкіндік жасалады. Бұл әрине біздің жастарымыздың, жасөспірімдеріміздің бос уақытын тиімді пайдалану мақсатында жасалып отыр. «Спорт – денсаулық кепілі», соған байланысты біздің келешек үлкен жарыстарда, додаларда жетістікке жетеді деген мақсатында көптеген жұмыс жүргізіледі деп есептеймін.

Автор

Данияр Әлімқұл

Бөлісу