«EcoQolday» арқасында 13 мың тонна қалдық сұрыпталған

Елімізде «EcoQolday» бағдарламасы іске қосылғалы 13 мың тонна қалдық сұрыпталып, қайта өңдеу зауыттарына жіберілген. Қазір жоба шеңберінде 90 компания жұмыс істейді. Олардың қатарында қалдықтарды тасымалдаушы, жинаушы және толық цикл бойынша қайта өңдеумен айналысатын кәсіпорындар бар. Жалпы EcoQolday бағдарламасы аясында бүгінге дейін 2,5 млрд теңгеге жуық қаражат бөлінген. Сондай-ақ  Астана және Жезқазған қалаларында және 15 облыс орталығындағы мектептерде арнайы эко-бокстар орнатылған. Сол арқылы мектеп оқушылар мен белсенді азаматтар қалдықтарды дұрыс сұрыптап, EcoQolday бағдарламасы арқылы қосымша табыс табуға мүмкіндік алып отыр.

Қалдықтарды дұрыс сұрыптап үйренген кез келген азамат EcoQolday бағдарламасы арқылы кез келген қалдықтарды өткізуге мүмкіндігі бар. Мысал ретінде шыны, картон, пластиктерді күн тәртібінде өзіне қажетті заттар ретінде жинап, қалдықтарды дұрыс сұрыптап, өткізе алады.