Жетісу облысының мәдениет майталмандарына құрмет көрсетілді

Жетісу облысы құрылғалы өңірде 30-дан астам мәдениет нысаны салынып, сала мамандарының саны 2400-ден асты. Бүгін Талдықорғанда мәдениет және өнер қызметкерлерінің кәсіби мерекесіне арналған салтанатты шара өтті. Саланың дамуына үлес қосқан мамандар «Мәдениет саласының үздігі» төсбелгісімен марапатталды. Сондай-ақ облыстық байқауда «Үздік халық театры», «Үздік мәдениет үйі», «Үздік музей» атанған ұжымдарға қаржылай сыйақы табысталды. Ал «Халық» шығармашылық орталығына автокөлік берілді.

Біріншіден ұстаз ретінде шәкірт тәрбиелеп, екіншіден аспапшы әртіс ретінде үшіншіден композитор ретінде еліме еңбек сіңіріп келе жатырмын.  Сол еңбегім бүгін ақталып, «Құрмет» орденімен марапатталдым. Өте қуаныштымын.

Ауданда негізі 25 кітапхана бар. Онда негізінен 45 адам жұмыс істейді. Кітап оқитын мемлекет атану үшін біз бар күш жігерімізді саламыз. Шығармашылық креативті жұмыстар атқаруға тырысамыз. Бүгін біз «Үздік кітапхана 2025» номианциясын алып отырмыз. Ол үшін өте қуаныштымыз.