Қазақстанның ТМД елдерімен тауар айналымы 17%-ға өсті

Қазақстанның ТМД елдерімен тауар айналымы былтыр $38,4 млрд долларға жетті. Биыл бастапқы үш айда сауда-саттық тағы 17%-ға өсті. Бұл туралы ТМД үкіметтері басшылары кеңесінің отырысында айтылды. Ашхабадта өткен жиынға қатысқан премьер-министр Олжас Бектенов мәдени-гуманитарлық ынтымақтастықты кеңейту бағытында сөз сөйледі. Сондай-ақ, жиында экономика, жасанды интеллект, агроөнеркәсіп кешені, транзиттік және логистикалық инфрақұрылым, сондай-ақ еріктілер қозғалысын дамыту жайы талқыланды. Бұдан бөлек, 2027 жылы Минск қаласын, 2028 жылы Қарағанды қаласын ТМД жастарының астанасы деп жариялау туралы шешім қабылданды.