Мемлекеттік күзет қызметі сарбаздарынан әскери ант қабылдау рәсімі өтті

Бүгін Мемлекеттік күзет қызметі Айрықша мақсаттағы күштері әскери бөлімдеріне қабылданған жас сарбаздардан ант қабылдау рәсімі өтті.

«Айбын» президенттік полкі» әскери қызметшілерінің ант қабылдау рәсімі Астана қаласында «Отан қорғаушылар» монументі алаңында, ал «Батыр» президенттік полкі сарбаздарының салтанатты шарасы Алматы қаласындағы 28-панфиловшылар саябағында өтті. Сарбаздар бұл қызметке қатаң тәртіппен іріктеліп алынады. Жауынгерлік және арнайы даярлық сабақтарын меңгергеннен кейін, олар Қазақстанның Мемлекеттік Туы мен Елтаңба эталондарын күзету, Президенттің қатысуымен өтетін протоколдық іс-шараларға қатысу, күзетілетін тұлғалар мен объектілердің қауіпсіздігін қамтамасыз ету секілді маңызды міндеттерді атқаруға кіріседі.