Қазақстандық оқушылар халықаралық биология олимпиадасында 6 медаль жеңіп алды

Қазақстандық оқушылар OIBO-2026 халықаралық биология олимпиадасында 6 медаль жеңіп алды. Ресейде өткен білім додасына әлемнің 17 елінен 100-ден астам жас биолог қатысты. Қазақстан құрамасынан олимпиадаға 6 оқушы барып, барлығы жүлде алды. 2 алтын, 3 күміс және 1 қола медаль қоржынға салып, 100 пайыз оң нәтиже көрсетті. Оқушылар Назарбаев зияткерлік мектептері мен Білім-инновация лицейлерінің 9-11 сынып тәрбиеленушілері. Қатысушылар молекулалық биология, генетика, биохимия және физиология бағыттары бойынша күрделі тапсырмалар орындап, ботаника, зоология және биоинформатика салаларында зертханалық жұмыстар жүргізді.