Астанада күрес түрлерінен Әлем чемпионаты өтеді

Күрес түрлерінен 2026 жылғы ересектер арасындағы Әлем чемпионаты Астанада өтеді. Мұндай шешімді халықаралық Біріккен күрес әлемі ұйымы қабылдады. Ұйым өкілдері Қазақстанға бірнеше мәрте арнайы келіп, елдегі спорт инфрақұрылымының халықаралық талаптарға сәйкестігін, ірі спорттық іс-шараларды ұйымдастыру тәжірибесін және дайындық деңгейін жан-жақты бағалаған. Нәтижесінде Олимпиада бағдарламасына енген күрес түрлерінен әлем чемпионатын елімізде өткізуге барлық жағдай қарастырылғанына көз жеткізді.