Қостанай облысында 2 бала суға батып, біреуі көз жұмды

Қостанай облысының Лисаковск қаласында жасөспірім жардан суға секіріп көз жұмды. Тағы бір оқыс жайт облыс орталығында болған. Бес жасар бала демалыс орындарының бірінде бассейнге батып кеткен. Сол төңіректегілердің бірі оны дер кезінде байқап, су түбінен алып шығыпты. Жүрегі тоқтай жаздаған баланы жедел жәрдем қызметкерлері құтқарып қалды. Қазір ол жансақтау бөлімінде. Мамандар ата-аналарға жазғы демалыс кезінде бала қауіпсіздігіне аса мұқият болуды ескертеді!