Пәкістанда пойызды жарып жіберді

Пәкістанның оңтүстік-батысында пойызда жарылыс болып, 24 адам мерт болды. 70 адам жараланған. Пойыздың екі вагоны аударылып, өртенген. Одан темір жолға жақын маңдағы автокөліктерге, үйлерге зақым келді. Лаңкес жарылғыш зат қойылған көлікті пойыз Кветта қаласы арқылы өтіп бара жатқанда іске қосқан. Шабуылды «Белуджистанды азат ету армиясы» атты сепаратистік топ мойнына алды. Пәкістанның премьер-министрі Шахбаз Шариф бұл шабуылды қатаң айыптап, «қорқақтардың террористік әрекеті» деп атады.