Жол сапасын ЖИ-мен тексере бастады

Қостанай облысында республикалық маңызы бар автожолдардың сапасы Жасанды интеллект көмегімен зерттеліп жатыр. Жаңа технология 100 шақырым жолды 2-3 сағат ішінде өңдеп, толық сараптама жасауға мүмкіндік береді. Жылжымалы зертханаға орнатылған бейнекамералар мен заманауи құрылғылар жол төсемінің 21 түрлі техникалық көрсеткішін анықтайды. Жүйе асфальт сапасын ғана емес, оның астындағы өзге де инженерлік құрылымдардың жағдайын бағалай алады. Бүгінде жаңа технология көмегімен 3 автожол тексерістен өтті.