Оқушылар халықаралық байқаулардан мыңнан аса медаль иеленді

Биыл 1 миллион 600 мыңнан астам оқушы түрлі республикалық зияткерлік жарыстарға қатысқан. Ал халықаралық ғылыми байқауда 5 мыңнан аса бала бақ сынап, жалпы 1026 медаль иеленді. Оның ішінде 190-ы - алтын, 332-сі - күміс, 504-і — қола. Бұдан бөлек, 56 оқушы ерекше жетістігі үшін арнайы марапатқа ие болды. Мемлекет бұл жетістіктерді назардан тыс қалдырмай, жеңімпаздарды қаржылай ынталандырып келеді. Алтын медаль иегеріне - 6 жарым млн теңге, күміс жүлдегерге - 4 млннан аса, қола медаль алғандарға - 2 млн теңгеден аса сыйақы беріледі.  Сонымен бірге оларды дайындаған ұстаздар да марапатталады.