Полиция мен Ұлттық ұлан күшейтілген жұмыс тәртібіне көшті

Астанада полиция мен Ұлттық ұлан күшейтілген жұмыс тәртібіне көшті. Қала көшелерінде патруль саны арттырылып, қоғамдық тәртіп пен жол қауіпсіздігін бақылау күшейтілді. Ресми мәліметке сәйкес, бұл шара 28-29 мамырда өтетін Жоғары Еуразиялық экономикалық кеңес отырысы мен V Еуразиялық экономикалық форумына байланысты қолға алынған. Құқық қорғау органдары халық көп жиналатын орындарда қауіпсіздікті қамтамасыз етуге басымдық беріп отыр.