Алматыда есірткі таратқан 6 жасөспірім ұсталды

Алматыда есірткі таратқан 6 жасөспірім ұсталды. Полиция мәліметінше, олар интернет арқылы тапсырыс алып, синтетикалық есірткіні қала аумағына жасырған. Ұсталғандарды тінту барысында түрлі орамдағы есірткі заттары тәркіленді. Қазір күдіктілер уақытша ұстау изоляторына қамалып, қылмыстық іс қозғалды. Заң бойынша мұндай қылмыс үшін 10 жылға дейін бас бостандығынан айыру жазасы қарастырылған. Тергеу жалғасып жатыр.