Үндістанда жүздеген адам ыстықтан зардап шегіп, ауруханаға түсті

Үндістан астанасы Нью-Делиде аптап ыстық. Соңғы мәліметке қарағанда, алып шаһарда ауаның температурасы 45 градусқа дейін көтерілген. Дәл осындай жағдай елдің солтүстігінде де қалыптасып, жүздеген адам ыстық байланысты аурулармен госпитальге түсті. Жергілікті ақпарат құралдарының хабарлауынша, қазір үкіметтік емес ұйымдар мен еріктілер қолайсыз ауа-райынан зардап шеккен халыққа көмек көрсетіп жатыр.

Айта кетейік, былтыр Үндістанда 7 мыңнан астам адамға күн өтіп, сынап бағанасының тым көтерілуінен 14 тұрғын қайтыс болған.