Қажылыққа жиналған мұсылмандар Арафат тауына жетті

Сауд Арабиясына қажылыққа барған әлем мұсылмандары Меккенің маңындағы Мина жазығында түнеп, бүгін Арафат тауына жетті. Мұнда олар ислам үшін қасиетті саналатын Арафа күнінде Аллаға құлшылық етіп, ізгі тілектерінің қабыл болуын сұрап, жаратқаннан кешірім өтінеді. Арафат тауының басында тұру – қажылықтың кульминациясы есептеледі. Содан кейін Құрбан айт мерекесі басталады. Кейбір мәліметтерге қарағанда, өткен тәулікте Меккеден Минаға 1 жарым миллион мұсылман жол тартқан.