ДДСҰ: Африкада эбола вирусы тез тарауда

Африкада Эбола вирусының тарау жылдамдығы осы індетпен күрес шараларынан басым түсіп жатыр. Мұны Дүниежүзілік денсаулық сақтау ұйымының бас директоры Тедрос Адханом Гебрейесус мәлімдеді. Оның дерегінше, Конго Демократиялық Республикасы мен Угандада Эболадан 220 адам қайтыс болып, 900-ден астамы жұқтырды деген күдікке ілінген. Айта кетсек, Эболаның жаңа штаммына қарсы не вакцина, не дәрі-дәрмек дайын емес. Дегенмен, аталған ұйымның ойынша, бұл аурудың аймаққа тарау мүмкіндігі жоғары болғанымен одан әлемге төнген қауіп деңгейі төмен.