Қатерлі ісікке қарсы отандық препарат сынақтан сәтті өтті

Ғылым және жоғары білім министрі онкологиялық ауруларға қарсы отандық препаратқа жүргізілген клиникалық сынақтың бірінші кезеңі сәтті аяталғанын айтты. Зерттеуге қатысқан науқастардың бәрі аман деді. Олардың 30 пайызында ісіктің кішірейгені байқалған. Алдағы уақытта сынақтың екінші кезеңі басталмақ. Онда науқасқа қажетті нақты доза мөлшері анықталады. Оның нәтижесі қыркүйекте белгілі болмақ. Бәрі ойдағыдай өтсе, жыл соңына дейін дәріні тіркеу процедурасын бастау жоспарланған.