Ақш әскері Иранға тағы да соққы берді

Таяу Шығыстағы жағдай қайта шиеленісіп тұр. Өткен тәулікте АҚШ әскері Иранға тағы да соққы берді. Осы жолы Пентагон күштері Ормұз бұғазында ирандық төрт дронды атып түсірген. Құрама Штаттардың Орталық қолбасшылығының мәлімдеуінше, бұл операция америкалықтарды және стратегиялық су жолындағы сауда кемелерін қорғау мақсатында жүргізіліп отыр. Сонымен қатар, АҚШ армиясы Бандар-Аббастағы дрон ұшыратын құрлықтағы станцияны да қиратқан.
Тағы бір айта кететін жайт, Ормұздағы қауіпті ахуалға байланысты әлем нарығында мұнай бағасы 2,1 пайыз қымбаттап, оның Brent маркасы баррелінің құны 96 доллар 31 центке жетті.