Лаоста үңгірге алтын іздеп кірген 5 тұрғын құтқарылды

Лаос құтқарушылары су тасқыны мен лай көшкінінен жабылып қалған үңгірден бір апта бойы шыға алмаған бес адамды құтқарды. Соңғы мәліметке қарағанда, ауыл тұрғындары бұл жерге алтын іздеп барған. Бірақ тасқын кесірінен сыртқа шыға алмаған. Айтуларынша жер астына жеті адам түскен. Қазір солардың екеуі іздестіріліп жатыр.
2018 жылы Таиланда 12 футболшы бала мен олардың жаттықтырушысы екі апта бойы су басқан үңгірден шыға алмады. Оларды құтқаруға әлем елдерінен 10 мыңнан астам маман тартылып, сол операцияға дүниежүзінде миллиондаған адам куә болғаны белгілі.