Басты Жаңалықтар Экологиялық сурет байқауының жеңімпаздары анықталды

Экологиялық сурет байқауының жеңімпаздары анықталды

28.05.2026 20:41

Атырауда өңірлік сурет байқауының жеңімпаздары марапатталды. Дәстүрлі байқауды облыстық экология департаменті 5 маусым – Дүниежүзілік қоршаған ортаны қорғау күні қарсаңында ұйымдастырған. Биыл байқауға облыстағы арнайы мектеп-интернаттар, оңалту орталықтары мен балалар ауылының тәрбиеленушілері қатысып, табиғатты қорғау тақырыбында 40-қа жуық сурет ұсынды. Нәтижесінде 11 оқушы дипломдар мен арнайы сыйлықтарға ие болды.

Асқар Жүсіпов, Атырау облысы бойынша Экология департаментінің басшысы:

Мұнымен дүниежүзілік қоршаған ортаны қорғау мерекелік іс-шарасы аяқталмайды. Алдағы уақытта да бірнеше экологиялық іс-шаралар бар. Сенбіліктер бар, таза аула, таза ауыл сияқты өзіміздің акцияларымызды жалғастырамыз.

Қарағанды қаласында да дәстүрлі сурет байқауының жеңімпаздары анықталды. «Таза Қазақстан» акциясы аясында өткізілген сайысқа 30-дан аса қатысушы өз жұмысын ұсынып, үздіктері анықталды. Қатысушылардың арасында мектеп оқушыларымен қатар балалар үйінің тәрбиеленушілері де бар. Сайыс келер жылы да жалғасын таппақ. Ерекше байқау баланың қиялын дамытып, шығармашылық серпін береді, дейді ұйымдастырушылар.

Автор

Нұрсұлтан Нұрсейіт

Бөлісу