ЕАЭО-ға мүше мемлекеттердің президенттері Астанаға келді

Еуразиялық экономикалық форумға қатысу үшін елордаға Беларусь Президенті Александр Лукашенко мен Қырғызстан Президенті Садыр Жапаров келді. Одаққа мүше елдердің көшбасшылары форумның пленарлық отырысына қатысады. Олардың қатарында Қазақстан Президенті Қасым-Жомарт Тоқаев, Ресей Президенті Владимир Путин, Беларусь Президенті Александр Лукашенко және Қырғызстан Президенті Садыр Жапаров бар. Айта кетейік, 29 мамыр күні Астанада Жоғары Еуразиялық экономикалық кеңестің отырысы өтеді.