154 әскери қызметкер бітімгерлік миссиясында жүр

Бүгін – елімізде бітімгер күні. 2014 жылдан бері 900-ден аса әскери қызметшіміз Біріккен Ұлттар Ұйымының түрлі миссиялары құрамында қызмет атқарды. Қазіргі таңда 154 қазақстандық әскери қызметші Таяу Шығыс пен Африка құрлығындағы ұйымның 11 миссиясының 7-не қатысып жатыр. Қазақстан БҰҰ-дан бітімгерлік миссияға қатысуға дербес мандат алған посткеңестік кеңістіктегі алғашқы әрі жалғыз мемлекет. Миссия қолбасшылығы да өз тарапынан қазақстандық әскери қызметшілердің жоғары кәсібилігі мен бітімгерлік қызметке қосқан үлесін жоғары бағалап отыр.