«Таза Қазақстан» акциясы ұйымдастырылды

Солтүстік Қазақстан облысы Тимирязев ауылының тұрғындары көшелерге гүл егіп, елді мекенді қоқыстан тазартты.

«Таза Қазақстан» экологиялық акциясын «AMANAT» партиясының өкілдері ұйымдастырды. Тұрғындармен қатар, іс-шараға мемлекеттік қызметшілер, білім саласының мамандары қатысып, бірліктің үлгісін көрсетті. Көктем басталғалы Тимирязев ауданында 2400 түп көшет, 50 мың талдан астам гүл егілді. Жыл басынан бері 7 мың тоннаға жуық қоқыс шығарылды. Ауданда «Таза Қазақстан» акциясы жүйелі түрде ұйымдастырылады.  Әр сенбілікке жүзден астам адам қатысады. Ұйымдастыршылар игі іс жыл бойы жалғасын табады дейді.