9 жасар бала інілерін өрттен құтқарып қалды

Батыс Қазақстан облысында 9 жастағы бала інілерін өрттен құтқарып қалған. Оқиға Сырым ауданы Аралтөбе ауылында болған.

Ата-анасы жұмыста жүрген кезде Бейбарыс Тлекберген үйде інілеріне қарап қалған. Бір кезде электр сымдары тұйықталып, үйден өрт шығыпты. Үйдің ішін әп-сәтте түтін басқан. Бейбарыс ойланбастан, екі інісін сыртқа  шығарып үлгерген. Осылайша кішкентай бала үлкен ерлік көрсетіп, бауырларын аман алып қалды. Жас батырды облыстық төтенше жағдайлар департаменті бастығының орынбасары Елдос Батталов марапаттады. Қазір бес балалы отбасы уақытша коммуналдық пәтерде тұрып жатыр.