17 жастағы қазақстандық теннисші Париждегі жарысты жеңіспен бастады

17 жастағы қазақстандық теннисші Париждегі жарысты жеңіспен бастады. Заңғар Нұрланұлы жасөспірімдер арасындағы Франция ашық чемпионатының алғашқы айналымынан сүрінбей өтті. Бұл туралы Қазақстан теннис федерациясының баспасөз қызметі хабарлады. Старттық матчта отандасымыз ұлыбританиялық Марк Чебанмен шеберлік байқасты. Кездесу барысын толықтай бақылауда ұстаған Заңғар 6:3, 6:4 есебімен сенімді жеңіске жетті. Корттағы тартысты бәсеке 1 сағат 37 минутқа созылды. Заңғар Нұрланұлы Париждегі Үлкен дулыға турнирінің 1/16 финалына жолдама алды. Отандасымызға сәттілік тілейміз.