Әл-Фарабидегі жол апаты: Айыпталушы кінәсін мойындады

Алматыда әл-Фараби даңғылындағы адам өліміне әкелген жол апатына қатысты істе айыпталушы кінәсін толық мойындады. Ол сот отырысына онлайн форматта қатысты. Бұған дейін қорғаушысы оның жарақатына байланысты қашықтан қатысуға өтініш білдірген еді. Сонымен қатар Mercedes жүргізушісінің отбасы мен басқа да жәбірленуші тарап сотталушымен келісімге келген. Марқұмдардың туыстары айыпталушы тараптың келтірілген материалдық және моральдық шығындарды толық көлемде өтеп бергенін жеткізді. Осыған байланысты жәбірленушілер соттан айыпталушыға қатысты қатаң жаза қолданбауды сұрап отыр. Іс бойынша сот талқылауы жалғасып жатыр.

Еске сала кетейін, 21 наурыз күні әл-Фараби даңғылында мас күйінде Zeekr көлігін тізгіндеген жүргізуші қарсы жолаққа шығып кетіп, Mercedes автокөлігімен соқтығысқан. Салдарынан үш адам мерт болды.