Елімізде балалар саны 6,9 миллионға жетті

Елде балалар саны 6 млн 900 мыңға жетті. Бұл туралы Ұлттық статистика бюросы хабарлады. 0-ден - 17 жасқа дейінгі балалардың 62 пайызы қалалық жерде, ал 37 проценті ауылда тұрады. Ұл балалардың үлесі 51,4% болса, қыздар үлесі 48 пайыздан жоғары. Ел бойынша ең көп өсім Түркістан облысында. Одан соң Алматы қаласы және Алматы облыстары көш бастайды. Соңғы бес жылда елімізде балалар саны 4,4 пайызға артқан. Айта кетейік, 3 жыл ішінде «Ұлттық қор – балаларға» жобасы аясында 2 млрд 300 млн доллар бөлінді.