Трамп Израиль мен «Хезболла» атысты тоқтатуға келіскенін мәлімдеді

Израиль мен «Хезболла» тобы атысты тоқтатуға келісті. АҚШ президенті Дональд Трамп әлеуметтік желіде осылай деп жазды. Ақ үй басшысы қос тараппен келіссөз өткізіп, шиеленісті азайтуға көндірген. Израиль Бейруттің оңтүстік бөлігіне әскер жібермеуге, ал «Хезболла» шабуылды тоқтатуға келіскен. Өзге бір жазбасында Трамп Иранмен келіссөз қарқынды түрде өтіп жатқанын мәлімдеді. Дүйсенбіде Иранның Tasnim агенттігі Ливанға жасалған шабуылға байланысты Тегеранның келіссөз тобы АҚШ-пен барлық байланысты үзетінін хабарлаған еді.