Жапонияда тропикалық дауылдан 60 мың үй жарықсыз қалды

Бүгін таңертең «Чанми» тропикалық дауылы Жапония астанасы Токиоға соққы берді. Жауындатып жеткен тайфуннан мегаполис орталығындағы Мегура өзені арнасынан тасып жатыр. Ал Токионың Ханеда және Нарита әуежайларында 700-дей ішкі және халықаралық рейс доғарылған. Өзге бір мәліметке қарағанда, елдің оңтүстік батысындағы, шығысындағы және орталығындағы сегіз префектурада жүздеген мың тұрғынға эвакуациялануға кеңес берілді. Өйткені олардың өміріне қауіп төніп тұр. Ал жарықсыз қалған үйлер саны 60 мыңға, жараланған адамдары қатары 16-ға жетіп отыр.