АҚШ пен Иран әскерлері бір-біріне шабуыл жасады

АҚШ әскері Иранның Кешим аралындағы жерасты әскери бақылау станциясына соққы берді. Сонымен қатар Пентагон Тегеранның Кувейт пен Бахрейнге және кемелерге бағыттаған баллистикалық зымырандары мен дрондарын құлатқан. Мұны Құрама Штаттар Орталық қолбасшылығы хабарлап отыр. Ақпаратқа сай, операция қорғану мақсатында жүргізілген. Айта кетсек, бұған дейін Тегеран Американың бесінші флоты мен әуе базаларына және тікұшақтарына шабуыл жасағанын жариялаған еді. Пентагон бұл ақпаратты растамай отыр. Таяу Шығыстағы соғысты тоқтату жөніндегі келіссөздер тұралап, аймақтағы жағдай қайта ушыққандықтан, бүгін Азия биржаларында мұнай бағасы 2 пайызға қымбаттап, оның америкалық сұрпының құны 95 доллардан асып кетті.