Астанада боччадан Әлем кубогі өтіп жатыр

Елордада алғаш рет боччадан халықаралық турнир өтіп жатыр. Жарыс ресми рейтингтік бәсекелер қатарына кіретін Әлем кубогі кезеңдерінің бірі саналады және 2028 жылғы Паралимпиада ойындарына жолдама алуға мүмкіндік береді. Беделді додаға 24 елден 90-ға жуық параспортшы қатысып жатыр. Қазақстан намысын 10 жерлесіміз қорғайды. Мұндай деңгейдегі турнир Қазақстанның паралимпиадалық спорттағы беделін арттырып, халықаралық жарыстарды өткізу әлеуетін көрсетпек. Сенат Төрағасы Мәулен Әшімбаев жарыстың еліміз үшін маңызына тоқталып, Әлем кубогін ресми түрде ашып берді.

Еліміздің Президенті Қасым-Жомарт Кемелұлы еліміздегі спортты дамытуға және баршаға тең мүмкіндік қалыптастыруға баса мән беріп келеді. Соның жарқын көрінісі – елордамызда ұйымдастырылып отырған бүгінгі спорттық іс-шара. Astana 2026 World Boccia Cup турнирі Қазақстанда алғаш рет ұйымдастырылып отыр. Астана төрінде осындай маңызды халықаралық жарысты өткізу біз үшін үлкен мәртебе. Әлем кубогы тартысты бәсекеге толы болады деп сенемін.