Отандық экспорттаушыларды қолдауға баса назар аударылады

Премьер-министр «Бәйтерек» ұлттық инвестициялық холдингі» директорлар кеңесінің отырысын өткізді. Жиында Холдингтің ресурстық базасын кеңейтуге және басым салаларды қолдауды арттыруға бағытталған бірқатар шешім қабылданды. Бұл ретте отандық экспорттаушыларды қолдауға баса назар аударылып отыр. Сондай-ақ «Бәйтерек» холдингін орнықты дамыту жөніндегі 2026-2028 жылдарға арналған іс-шаралар жоспары бекітілді. Жыл басынан бері холдинг бизнеске жалпы сомасы 3 трлн теңгеге қолдау көрсетті. Шағын және орта бизнестің 3 мыңға жуық жобасы қаржыландырылды. Агроөнеркәсіп кешенін дамытуға шамамен 685 млрд теңге бағытталды. Бұл 5 мыңнан аса ауыл шаруашылығы тауарын өндірушілерді қолдауға айтарлықтай мүмкіндік берді.