Үндістан астанасында қонақ үй өртенді

Үндістан астанасы Нью-Делиде қонақүйде өрт шығып, 21 адам қаза тапты. Тағы бірнеше адам зардап шеккен. От ғимараттың бірінші қабатындағы мейрамханада тұтанған болуы мүмкін. Тілсіз жаудың неден басталғаны белгісіз. Жалын 8 өрт сөндіру машинасының көмегімен сөндірілген. Апат болған қонақүйге әдетте студенттер мен жас мамандар жиі тоқтайтыны белгілі болды. Ал жергілікті басылымдардың хабарлауынша, қаза тапқандардың ішінде шетелдік азаматтар болуы мүмкін. Үндістанның премьер-министрі Нарендра Моди марқұмдардың тума-туыстарына көңіл айтып, оларға 200 мың рупийден төленетінін мәлімдеді.