Басты Жаңалықтар Астанада ерекше балаларға арналған Smart Class ашылды

Астанада ерекше балаларға арналған Smart Class ашылды

03.06.2026 17:27

Астанада ерекше білім беруді қажет ететін балаларға арналған Smart Class ашылды. Жасанды интеллектіге негізделген заманауи технология оқуға, жазуға ынтасы жоқ оқушылардың зейінін ашуға көмектеседі. Сонымен бірге, инклюзия мәселесін шешуге де сеп болмақ. Жоба сәуірден бастап қаладағы №99 мектептің бастауыш сыныбында пилоттық режимде жүзеге асырылып жатыр. Педагогтердің айтуынша, нәтижесі жаман емес. Оқушылардың сабаққа деген қызығушылығы артып, оқу үлгерімі 32 пайызға жақсарған.

Жанат Найманғазинова, бастауыш сынып мұғалімі:

Менің сыныбымда ерекшебілімді қажет ететін оқушы бар. Ол оқушының мектепке келу ынтасы жоғарылады десек болады. Өйткені бала күнара келетін болатын. Сыныпқа бір күн келеді, бір күн келмейді. Ал бұл жерде ол оқушы күнделікті сабақтан қалмай, сағат 7-де осы мектепте болатын болды. Келе салысымен ол міндетті түрде осы смарт партаның ішіндегі функцияларды қолдануға қызығушылығы артты.

TopIQ IT компаниясы мен «Алматыкітап баспасы» бірлесіп жүзеге асырған инттелектуалдық сынып ТМД елдері бойынша тек Қазақстанда бар. Мұнда оқушы мен мұғалім бір жүйеге біріктірілген. Әр оқушының жеке смартпартасы бар. Ол баланың физиологиясына сай икемделген. Егер, баланың сабақ оқу қарқыны төмендеп, шаршағаны байқалса платформа автоматты түрде жұмысын тоқтатып, қысқа үзіліс ұсынады.

Автор

Асылбек Данияр

Бөлісу