Мемлекеттік кеңесші Президенттің сөзіне тоқталды

Бүгінгі Мемлекеттік Туды салтанатты көтеру рәсімінде Президент мерекелік лебізбен шектелмей, жаңа тұжырымдамалық ойларын да ортаға салды. Мемлекеттік кеңесші Ерлан Қарин әлеуметтік желідегі парақшасында Президент сөзіндегі негізгі 9 дәйекті ой-тұжырымға тоқталды. Оның ішінде Жалпыхалықтық референдумда қабылданған Конституцияның маңызы, алдағы ауқымды саяси өзгерістер мен қоғамдық тәртіпті нығайту стратегиясы туралы ойлар бар. Бұдан бөлек, Мемлекеттік кеңесші Президенттің жүзеге асырылып жатқан реформалар мен еліміздің ең басты құндылықтары және ұлт мүддесі туралы тұжырымдарын да ерекше атап өткен.