Нәресте өлімі 7,5 есеге азайды

Тәуелсіздік жылдарында нәресте өлімі 7,5 есеге азайды. Қазір елімізде балаларға арналған 81 медициналық оңалту орталығы жұмыс істеп жатыр. Жыл сайын дамуында кемістігі бар 1,5 мыңға жуық нәресте күрделі ем қабылдайды. 2 мыңға жуық баланың жүрегіне операция жасалады. Бүгінде денсаулық сақтау саласындағы шығындардың төрттен бірі балалар саулығын қорғауға бағытталған. Бөлінетін қаржы екі есеге артты. 585 миллиард теңгеге жетті. Ерте диагностика, ерте араласу және заманауи емдеу – балалар өмірін сақтауға бағытталған жүйелі мемлекеттік саясаттың нәтижесі. Бала саулығы – ел болашағының кепілі.