34 500 отбасы атаулы әлеуметтік көмек алды

Жыл басынан бері 34 500 отбасыға атаулы әлеуметтік көмек көрсетілді. Барлығы 10,6 млрд теңге төленген. Қаржылай қолдаудың бұл түрі табысы аз азаматтарға тоқсан сайын тағайындалады. 1 жастан 6 жас аралығындағы әр балаға ай сайын 1 жарым айлық есептік көрсеткіш көлемінде бөлінеді. Биыл мектеп жасына дейінгі 42 мыңнан астам балаға қосымша көмек ретінде 270 миллион теңге қарастырылды. Атаулы әлеуметтік көмек алу үшін мансап орталығына барып, өтінім жазу керек. Сондай-ақ онлайн eGov арқылы да өтініш қалдыра аласыз.