Бибісара Асаубаева Norway Chess Women турнирінің жеңімпазы атанды

Бибісара Асаубаева халықаралық шахмат турнирінде 1-орын алды. Отандасымыз  Norway Chess Women 2026 халықаралық додасында мұндай жеңіске мерзімінен бұрын жетті. Бұл жөнінде Туризм және спорт министрлігіндегі Спортты дамыту дирекциясының баспасөз қызметі хабарлады. 25 мамырда басталған бәсеке 5 маусымға дейін  Норвегияның Осло қаласында өтті. Жарысқа 4 елден Қытай, Үндістан, Украина және Қазақстаннан жиналған әлемнің ең мықты 6 шахматшысы қатысты.