Мемлекет басшысы конституциялық заңдарға қол қойды

Мемлекет басшысы биыл 15 наурызда референдумда қабылданған конституциялық заңдарға қол қойды. Бұл құжаттар Президенттік басқару жүйесін, заң шығарушы билік құрылымын және қоғамдық диалог тетіктерін жаңаша айқындайды. Енді елде Вице-Президент институты енгізіледі. Одан бөлек Халық кеңесі құрылады. Жаңа конституциялық заңға сәйкес, Құрылтай жасақталады. Құрылтай – заң шығараратын ең жоғары орган болмақ. Оған партиялық тізім бойынша сайланған 145 депутат қабылданады. Депутаттар 5 жылға сайланады. Құрылтай Вице-Президентті, Премьер-Министрді және бірқатар жоғары лауазымды тұлғаларды тағайындауға келісім беріп, Жоғарғы Сот судьяларын сайлау мен қызметтен босату мәселелерін қарайды.