«Хезболла» тобы ымыраны қолдамады

Израиль мен Ливан арасында атысты тоқтату режимі күшіне енген жоқ. Тараптар Вашингтонда жоғары деңгейде кездесу өткізіп, бітімге келуге уағдаласқан еді. Алайда «Хезболла» тобы ымыраны қолдамады. Бұдан кейін Израиль Ливаннан әскерін шығармайтынын мәлімдеді. Оның үстіне елдің оңтүстігіне соққы беруін жалғастырды. АҚШ президенті Дональд Трамптың Иранмен мәмілеге қол жеткізуге бағытталған күш-жігеріне нұқсан келді. Өйткені Вашингтонмен бейбіт келісімге келу үшін Тегеранға Ливандағы атыстың тоқтауы маңызды.