Ресей мен Украина тұтқын алмастырды

Ресей мен Украина 185/185 формуласы бойынша соғыс тұтқындарын алмастырды. Мұны президент Владимир Зеленский өзінің Telegram арнасында хабарлады.

Үйіне оралған украиналықтардың қатарында армияның, шекара қызметінің және ұлттық гвардияның сарбаздары бар. Олардың кейбірі Мариуполь мен «Азовсталь» зауыты үшін шайқасса, өзгелері Донецк, Луганск, Харьков, Киев, Запорожье қалаларын қорғауға қатысқан. Әзірге тұтқын айырбастау операциясы қай жерде жүргізілгені белгісіз болып отыр.