Ауа тазалығы жіті бақылауда

Табиғатты қорғау алдымен айналамыздағы ауа тазалығынан басталады. Жамбыл облысы бойынша экология департаментінің сынақтау зертханасы осы мақсатта жүйелі түрде жұмыс істеп келеді. Мәселен, ауадағы бейорганикалық қосылыстардың қатарындағы аммиак, фторлы сутек, көмір тотығы секілді зиянды заттардың шоғыры белгіленген санитарлық көрсеткіштен аспауы керек. Асқан жағдайда экологияға тигізер залалы орасан. Сондықтан зерхана мамандары апта сайын шаһар сыртына шығып, ауа тазалығын тексеруден өткізіп тұрады.

Жаһангер Назарбеков, облыс бойынша Экология департаменті сынақтау зертханасының басшысы:

Экология – ұлттың қауіпсіздігі, экология ол біздің әл-ауқатымыздың көрсеткіші. Экологтар ең бірінші осы қауіпті аймақтарда, ең бірінші сол лас, ластаушы жерлерде жүреді. Сол жерден сынама алады, соларды тексереді. Барлық ауыртпалықты солар көреді. Олар мынау қоршаған ортаның сақшылары деп білемін.