Ақтөбеде тұрғындар жаңбыр суының өзенге құйылуына наразы

Өңірде екі аптадан астам уақыттан бері нөсерлі жаңбыр жауып тұр. Көшелерге жиналған су арықтармен және су тасығыш көліктер арқылы Сазды өзеніне құйылып жатыр. Шаһар билігінің айтуынша, оған тыйым салынбаған. Яғни, ешқандай заңбұзушылық жоқ. Қала бойынша су төгетін осындай 30 орын белгіленген. Осы уақытқа дейін жауған жаңбырдың мөлшері жартыжылдық нормадан асып кетті.  

Талғат Наурызов, қалалық ТҮКШ бөлімінің инспекторы:

Әлі де бір апта нөсерлі жаңбыр жауады. Соған байланысты барлық техникамыз күндіз-түні дайын тұр. Екі ауысыммен жұмыс істейміз.