Қ.Тоқаев Н.Пашинянды сайлаудағы жеңісімен құттықтады

Мемлекет басшысы Армения Премьер-министрі Никол Пашинянды «Азаматтық келісім» партиясының парламенттік сайлаудағы жеңісімен құттықтады. Көптеген халықаралық байқаушының алдын ала мәліметінше, сайлау елдің қолданыстағы заң талаптарына сай өткен. Президент Қазақстан достас Армениямен барлық салада өзара мүддеге сай белсенді ынтымақты жалғастыруға дайын екенін атап өтті. Қасым-Жомарт Тоқаев армян халқына мемлекеттілікті дамытуда сәттілік, бейбітшілік пен бақ-береке тіледі.